This is something which I SMSd to my ex..wen I was in train and going bk to my home after 1st sem of MBA got over..
Roz tumhaari tasveer se baatein kiya karta tha main..aur ye shikaayat karta tha..
ki kab tum is tasveer se baahar nikalogi aur mujhe thaamogi..
kab tum apni sharaaraton se mujhe tang karogi..
par tum wahin ki wahin bina ek palak jhapkaye..
usi tasveer se meri bebasi ko dekha karti thi..shaayad bebas tum bhi thi..
Par jaise jaise main kareeb aa raha huun..
tum jaise tasveer se baahar aane lagi ho..
thodi der pehle tumne aankhein jhukaayi thi,
aur ek halki si muskuraahat tumhare chehre par ayi thi..
aur wo dekho ab to tum baatein bhi karne lagi
aur thodi der mein yakeenan shikaayatein bhi karne lagogi..
Par is se pehle ki tum shikaayat karo..ya mujhse rootho,
Main tumhe apne saamne dekhna chaahta huun..
apni baahon mein bharna chaahta huun..
Jaise jaise faasle kam ho rahe hain..mere dil ki dhadkanein tez hoti jaa rahi hain..
Kabhi Kabhi ye Dil train se bhi jyada tez daudta hai..!!
I AM COMING JAAN.
